特首起錨

早幾日，曾蔭權及問責團隊乘坐開篷巴士巡遊港九新界多區，爭取更多市民支持二○一二政改方案。有常識都知道呢個係一個政治Show，完全不知所謂，雖然做好過唔做，但係被人問都口訝訝，好明顯完全無做功課，仲要多謝人「大聲」。又要市民支持，又講唔出有咩好，咁就同你去餐廳食飯，侍應介紹你呢個，但係你問佢有咩好，佢就無可奉告。更可況而家係政改方案，諗起班友就火到嚟。但係，當我每一次見到特首高叫「起錨」，真係笑到停唔到，無睇記得去Youtube。而佢最盡力都係呢幕，咁緊係，要比亞爺睇到。

而家政府最頭痛就係點樣係泛民個23票，成功取三票，就睇吓政府有咩辦法。